د AOWA موسسې لهخوا د CIVICUS – World Alliance for Citizen Participation په مالي ملاتړ د «سایبري امنیت» روزنیز ورکشاپ د درې اوونیو دوامدارو زده کړو او ظرفیت جوړونې وروسته، د ۲۰۲۵م کال د اکتوبر په ۲۹مه نېټه په بریالیتوب پای ته ورسېد.
یاد پروګرام چې د اکتوبر له ۱۰مې تر ۲۹مې په کابل ښار کې ترسره شو، ټولټال ۳۰۰تنه استاذان، ځوانان او محصلین یې ګډونوال وو. د دې روزنې اساسي موخه د ډیجیټلي امنیت د پوهاوي لوړول او د ګډونوالو د معلوماتو د خوندي ساتلو لپاره د عملي مهارتونو ورزده کول وو.
ګډونوال د ورکشاپ په جریان کې له لاندې مهمو موضوعاتو سره بلد شول:
- د پاسورډ مؤثره اداره
- د فیشینګ بریدونو پېژندل
- د رمزګذارۍ (Encrypted) د مخابراتي وسایلو کارول
- د معلوماتو خوندي ساتنه (فزیکي او کلاوډي)
- د انټرنېټ خوندي کارونې طریقې
- د خوندي اړیکو ورځني عادتونه
- د ټولنیزو شبکو د حسابونو ساتنه
AOWA موسسه د دې نوښت د تمویل لپاره له CIVICUS – World Alliance for Citizen Participation مننه کوي او همدارنګه له ټولو هغو ځوانانو او محصلینو چې په شوق او لیوالتیا یې ګډون کړی و، قدرداني څرګندوي.
